Ұрылар Англиядағы сарайға басып кіріп, алтын дәретхананы қолды қылған

Бленхайм сарайына (Англия) қаруланған ұрылар басып кіріп, бес минуттың ішінде 2,8 миллион фунт стерлинг тұратын алтын дәретхананы ұрлап үлгерді, деп хабарлайды Zakon.kz.

Sky News дерегінше, итальяндық суретші Маурисио Каттеланның туындысы, "Америка" деп аталатын 18 караттық алтыннан жасалған дәретхананың салмағы шамамен 98 кг және 6 миллион долларға (шамамен 3 млрд. теңге) сақтандырылған.

Бұл ерекше өнер туындысы Уинстон Черчилль дүниеге келген Оксфордширдегі Бленхайм сарайында өткен көрме кезінде орналастырылды.

Ұрлық кезінде алтынның құны шамамен 2,8 миллион фунт стерлингке бағаланды. Күдікті – Оксфордтық 39 жастағы Майкл Джонс – дегенмен ол ұрлық жасағаны үшін кінәсін мойындамады.

Оның болжамды сыбайластары, 36 жастағы Фредерик Сайнс пен 41 жастағы Бора Гуккук, олар да өз айыптарын жоққа шығарып отыр.

Бұған дейін Туркия әуежайындағы дәретханада босанып, шақалағын сол жерге тастап кеткен ресейлікке қатаң үкім шығарылғандығы хабарланған болатын.