Пәкістан Үндістанмен қақтығыста ядролық мәселені қозғады

Соңғы аптадағы әскери әрекеттердің шиеленісуіне байланысты Пәкістан Үндістанға соққы беру үшін ядролық оқтұмсықтарды орналастыру мүмкіндігін қарастырмады, деп хабарлайды Zakon.kz.

Бұл туралы 12 мамырда CNN-ге елдің Сыртқы істер министрі Исхак Дар мәлімдеді.

10 мамырда Үндістан мен Пәкістан атысты тоқтату туралы келісімге келгеннен кейінгі алғашқы сұхбатында Дар 7 мамырдағы Үндістанның шекаралық шабуылдарынан кейін Исламабадтың "өзін-өзі қорғау" мақсатында соққылар жасауға "басқа таңдауы болмағанын" айтты.

Өткен аптадағы қақтығыс 1971 жылдан бергі екі ядролық держава арасындағы ең жойқыны болды, нәтижесінде ондаған адам қаза тауып, соғысқа қатысты алаңдаушылық артты.

Дар Үндістанның соққыларын "соғыс" және "өзінің гегемониясын орнатуға ұмтылған әрекет" деп атап, бірақ ядролық нұсқа ешқашан қарастырылмағанын түсіндірді.

"Кейде өте маңызды шешімдер қабылдауға тура келеді. Біз әуе мен құрлықта оларды жеңуге жеткілікті күшіміз бар екеніне толық сенімді болдық", – деді ол.

Өткен сәрсенбідегі алғашқы шабуылдан кейін Пәкістан Үндістан әуе күштерінің бес ұшағын, соның ішінде Нью-Дели бірнеше жыл бұрын сатып алған қазіргі заманғы француз ұшақтары-үш Rafale-ді атып түсіру үшін қытайлық истребительдерді қолданғанын мәлімдеді.

Бұған дейін Мексикада мэр лауазымына үміткердің тікелей эфир кезінде атып өлтірілгендігі хабарланған болатын.