Испания тұрғындары туризм саласындағы олқылықтарды айтып, наразылық білдірді

Жуырда мыңдаған испандық Канар аралдарында, Барселона, Валенсия және Мадрид қалаларында туризмге қарсы наразылық акциясына шықты, деп хабарлайды Zakon.kz.

Daily Mail басылымының жазуынша, Тенерифе, Лансароте және Фуэртевентура аралдарында жергілікті тұрғындар "Канар аралдары сатылмайды" және "Канар аралдарының шегі бар" деген ұрандар айтты. Олар туризм саласын тұрғын үй бағасының өсуіне, жалға берілетін пәтерлердің тапшылығына, табиғаттың ластануына және инфрақұрылымның адамдар ағынына төтеп бере алмауына айыптап отыр.

Thousands marched in the Canary Islands to demand action against mass tourism, as Spain forecasts another record year for visitors. pic.twitter.com/5lU5usqTDJ

— DW News (@dwnews) May 20, 2025

Наразылар билік олардың талаптарын елемей отырғанын айтып, өткен жылы да көшеге шыққандарын еске салды. Испандықтар ел басшылығынан бос сөз емес, нақты әрекет күтеді. Сонымен қатар, Ұлыбритания тұрғындары Канар аралдарына турларды аз брондап жатқандықтан, туроператорлар алаңдаушылық білдіріп отыр. Жергілікті билік тұрғындар мен туризм саласының мүдделері арасындағы тепе-теңдікті қалай сақтау керектігін талқылауға дайын екендерін айтты.

Ресми мәлімет бойынша, өткен жылы 10 айда Канар аралдарын 2,2 миллион халқы бар аймаққа шамамен 10 миллион турист келген. Сарапшылар наразылықтар Еуропаның басқа елдеріне де таралуы мүмкін деп есептейді.

Бұған дейін Литва билігінің Беларуське қарсы БҰҰ-ның сотына шағым түсіргендігі хабарланған болатын.