Бір тәулік бойы қызын ағашқа байлап қойған «ата-ана» сотталды

Америкалық сот ерлі-зайыпты 41 және 42 жастағы Джонни Джеймс пен Кайла Кларкты қызына көрсеткен қорлығы үшін 35 және 30 жылға бас бостандығынан айырды. Олар бір тәуліктен астам уақыт бойы 15 жасар қызын ағашқа байлап қойған, деп хабарлайды Zakon.kz.

People басылымының дерегінше, 2024 жылдың шілдесінде Оклахома штатының Вера қаласында ағашқа байланған жасөспірімді сол маңда өтіп бара жатқан адам көріп қалып, құтқарған. Ол шұғыл қызметтерге қоңырау шалып, қыздың денесінде жарақаттар барын, соның ішінде білек пен аяқтарында арқан іздері бар екенін айтқан. Жәбірленушінің өзі қатты әлсіреген.

Полицейлер қызды оған ұйықтау үшін берілген кілемшенің үстінде тапты. Бірден ауруханаға жеткізіліп, қажетті ем-шара қолданылған. Кейінірек оның 24 сағаттан астам уақыт бойы ағашқа белбеумен байланғаны анықталды. Оны бұл жағдайға әкесі Джонни Джеймс түсірген.

Okla. couple sentenced for tying teen girl to tree over the span of 3 days https://t.co/FJAAtq0i9r

— True Crime News (@MyTrueCrimeNews) February 7, 2025

Американдықтың айтуы бойынша, ол бұл әрекетке қызы үшін барған, себебі оның "үйде зәр шығару және дәрет шығару проблемалары" болған. Алайда тергеушілер Джеймстің бұл әрекетін қыздың туған анасымен бірге өмір сүргісі келгені үшін осылай жазаламақ болды деген қорытындыға келді.

Кейінірек айыпталушының әйелі Кайла Кларк та сотталды, өйткені ол серіктесінің қызын азаптап жатқанын білді, бірақ оның жасаған әрекеті туралы полицияға хабарламады және өгей қызына көмектеспеді.

Бұған дейін Қырғызстанда "Кенесары ханның өлімі үшін" қазақстандықтардан кешірім сұраған әнші ұсталғандығы хабарланған болатын.