Австралия жағалауында 11 жасар бала үлкен ақ акуламен бетпе-бет келген

Австралиялық үш тұрғын жаралы ақ акуланы құмды жағалаудан тереңірек суға дейін сүйреп апарды. Қауіпті операция шамамен бір сағатқа созылды, деп хабарлайды Zakon.kz.

NBC News мәліметі бойынша, турист Нэш Кор өзінің 11 жасар ұлы мұхит жағалауында үлкен ақ акуланы көріп, қорқып қалғанын айтады. Дегенмен, соған қарамастан, үш жергілікті тұрғын оны құтқаруға шешім қабылдаған.

Олар құмнан ұсақ шаяндарды қазып алу үшін қолданылатын саптыаяқтар арқылы акуланы судың терең бөлігіне жеткізген.

Маккуори университетінің табиғатты зерттеу жөніндегі ғалымы Ванесса Пиротта акулалардың жағалауға шығып қалуы жиі кездесетін құбылыс емес екенін, бірақ бұл жағдайлардың соңғы кезде әлеуметтік желілерде көбірек көрініс таба бастағанын айтты. Оның пайымдауынша, акулалар таяз суға көбіне оңай олжа іздеп шығады.

"Егер сіз мұндай жағдайды көрсеңіз, адам қауіпсіздігі бірінші орында болуы тиіс. Сіз табиғатты қорғау ұйымдарымен байланысып, қажетті маманның келіп көмектесуін қамтамасыз ете аласыз", – деп ескертті Пиротта.

Бұған дейін Кенияда арыстанның жасөспірімге шабуыл жасап, қыздың денесін тістеген күйінде алып кеткендігі жайлы жазған болатынбыз.