Занғар Нұрланұлы US Open-2025 жасөспірімдер турнирінде тағы бір сенсация жасады

09:14, 5 қыркүйек 2025

MKZ: 1501680

© Сурет: ФТК РК

Қазақстандық теннисші Занғар Нұрланұлы 4 қыркүйекте US Open-2025 жасөспірімдер турнирінің жартылай финалына шықты, деп хабарлайды Zakon.kz

Sportarena.kz мәліметінше, ширек финалда 17 жастағы спортшы ресейлік Тимофей Дерепасконы 6:2, 6:4 есебімен жеңді. Кездесу 1 сағат 27 минутқа созылды. Бұл екі спортшы арасындағы алғашқы кездесу болды.

Финалға шығу үшін Нұрланұлы болгариялық Иван Иванов пен германиялық Максим Шёнгаус арасындағы матчтың жеңімпазымен кездеседі.

Бұған дейін Занғар Нұрланұлы АҚШ-тағы жасөспірімдер арасындағы Ашық чемпионаттағы сенсациялық жолын жалғастырып, әлемнің ең үздік жас теннисшілерінің бірі, ITF Juniors рейтингінің сегізінші ракеткасы, алтыншы нөмірлі Оскари Палданиусты жеңгені хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!