Рыбакина Страсбургтегі WTA 500 турнирінің жартылай финалына шықты

22 мамыр күні Францияның Страсбург қаласында беделді WTA 500 әйелдер турнирінің ширек финалдық кездесулері басталды. Күннің алғашқы матчында қазақстандық Елена Рыбакина кортқа шықты, ол польшалық Магда Линеттпен шеберлік байқасты, деп хабарлайды Zakon.kz.

Жарыстың төртінші ракеткасы болып тіркелген қазақстандық теннисші поляк спортшысын екі сетте – 7:5, 6:3 есебімен жеңді.

Рыбакина әлемнің 33-ракеткасын жеңгеннен кейін турнирдің жартылай финалына жолдама алды. Ол енді Беатрис Хаддад-Майя (Бразилия) мен Эмма Наварро (АҚШ) арасындағы кездесудің жеңімпазымен кездеседі.

Елена Рыбакинаның жетістігіне бірқатар жанкүйерлер қуанып жатса, басқалары 22 мамырда Дмитрий Попконың жеңілісіне қынжылды. Ол "Ролан Гаррос" турнирінің іріктеу финалына өте алмай, колумбиялық Элахи Галанға 1:6, 2:6 есебімен жол берді.