Ғұсман Қырғызбаев: Финалда сәттілік жетіспеді

Дзюдодан Қазақстан құрамасының көшбасшыларының бірі Ғұсман Қырғызбаев Астанада өтіп жатқан Grand Slam турниріндегі өнерін бағалап, жоспарларын бөлісті, деп хабарлайды Zakon.kz.

"Финалда сәттілік жетіспеді. Оның үстіне Олимпиададан кейінгі алғашқы жарысым болғандықтан қиындықтар болды. Алайда қолымнан келгенше күрестім.

Қарсыластарымның дайындығы өте жоғары деңгейде. Бірақ мен үшін ең қиын қарсылас оңтүстіккореялық спортшы болды.

Алдағы жарыстарға 85 пайыз дайынмын деп айта аламын. Алда Испанияда оқу-жаттығу жиыны өтеді. Сол жаққа барып жаттығуымызды жалғастырамыз. Бұл жарыс мен үшін әлем чемпионатының алдындағы сынақ ретінде өтті. Басты мақсат - әлем біріншілігінде алтын медаль жеңіп алу", - деді спортшы.

Еске салайық, кеше, 9 мамырда Қазақстан құрамасының спортшысы Ғұсман Қырғызбаев Астанада өтіп жатқан Qazaqstan barysy Grand Slam турнирінің күміс жүлдегері атанды.

Отандасымыз 66 келіге дейінгі салмақта ел намысын қорғады. Ғұсман Қырғызбаев финалда ресейлік Рамазан Абдуллаевқа есе жіберді.