Головкиннің титулды жекпе-жегінің уақыты үшінші мәрте ауыстырылып жатыр

09:44, 19 ақпан 2020
5259

Орта салмақта IBF және IBO чемпионы қазақстандық Геннадий Головкиннің (40-1-1, 35 КО) рингке оралуы кейінге шегерілді. ESPN журналының мәліметінше, боксшы жарақат алып қалған, деп хабарлайды vesti.kz.

Осыған байланысты Головкин және оның командасы IBF ұйымынан титулды қорғауды шегеруді сұрады. Алдын ала мәлімет бойынша, GGG-дің міндетті қарсыласы польшалық Камил Шереметаға (21-0, 5 КО) қарсы жекпе-жегі мамыр немесе маусымда өтеді.

Бастапқыда GGG рингке ақпанда шығады деп күтілген, алайда, кейін жекпе-жек уақыты наурызға өзгертілді. Осыдан кейін тағы да 11 сәуірге шегерілді, ал кездесу өтетін орын ретінде АҚШ-тың Чикаго қаласы аталған. Сонымен қатар, бұл жекпе-жек Қазақстанда өтуі ықтимал екені де хабарланған.

Осыған байланысты DAZN өкілі Головкин - Шеремета жекпе-жегін өткізетін басқа уақыт қарастырып жатқандарын растады. Ал боксшының промоутері Том Леффлер жағдайға қатысты пікір білдіруден бас тартты.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір