Елордалық спортшылар Қысқы Универсиадаға дайын

13:02, 12 қаңтар 2017

Конькимен жүгіру спортынан халықаралық дәрежедегі спортшы Дмитрий Морозов пен Қазақстанның спорт шебері Надежда Сидельник елорда намысын қорғамақ.

Отандық спортшылардың дайындығы жөнінде Астана қаласының конькимен жүгіру спортынан бас бапкері Владимир Костин айтып берді.

«Өткен Универсиадада бұл спорт түрінен жарыс өткен жоқ. Біздің спортшылар доданы тағатсыздана күтуде. Дмитрий мен Надежда – ең жас әрі болашағынан үміт күттіретін спортшылар. Қазір олар шетелде жалпы командалық жиында жаттығуда. Дәл бабындағы спортшылар, сайысқа әзір. Олар сәтті өнер көрсетеді деп үміттенемін», – деді Владимир Костин.

Сондай-ақ астаналық спортшылар шайбалы хоккейде де өнер көрсетпек.

29 қаңтарда Алматыда бастау алатын XXVIII Дүниежүзілік Қысқы Универсиадаға 12 спорт түрінен 168 отандық спортшы қатысады.

Источник: khabar.kz

Подписывайтесь на наш Telegram-канал. Будьте в курсе всех событий!
Мы работаем для Вас!