Әлімханұлы мен Канелоның шайқасуы мүмкін бе - сарапшылар не дейді

Бокс саласындағы америкалық сарапшы Рик Глейзер қазақстандық Жәнібек Әлімханұлы мен мексикалық Сауль "Канело" Альварес арасындағы болуы мүмкін жекпе-жек туралы айтты, деп хабарлайды Zakon.kz.

Legalbet.kz басылымының жазуынша, Глейзер мұндай жекпе-жек мүмкін емес екенін айтқан.

"Әлімханұлының Канеломен жекпе-жекке түсуі мүмкін бе? Жоқ. Мүлдем. Себебі мұндай жекпе-жек Канелоға ештеңе бермейді", – деп жауап берді спорт маманы.

Әлімханұлы (17-0, 12 КО) – орта салмақтағы IBF және WBO нұсқалары бойынша әлем чемпионы, Канело (62-2-2, 39 КО) – екінші орта салмақтағы WBC және WBO нұсқалары бойынша әлем чемпионы.

Посмотреть эту публикацию в Instagram

Публикация от JANIBEK | QAZAQ STYLE (@janibek_alimkhanuly)

Бұған дейін Жәнібек Әлімханұлы 2025 жылдың 6 сәуірі қарсаңында нокаутқа жіберген атышулы жеңісінен кейін мексикалық боксшы Сауль "Канело" Альваресті шаршы алаңға шақырған болатын.

"Канело! Сен қайдасың? Мен орта салмақтағы корольмін! Сен де өзіңді король деп санайсың! Әлемге екі корольдің жекпе-жегін көрсетейік!"- деп жазды Әлімханұлы Альвареске X әлеуметтік желісінде.

Canelo! Where are you? I am the king of middleweight! You think you are a king too! Let's show the world a fight between two kings! pic.twitter.com/pvuxkVhxRp

— Janibek Alimkhanuly (@qazaqstyle) April 5, 2025

Бұл ретте, халықаралық турнирде қазақстандық боксшылардың Өзбекстан спортшыларын басып озғандығы хабарланған болатын.