Жүргізуші куәлігін алатын қазақстандықтарға маңызды жайт түсіндірілді

"Азаматтарға арналған үкімет" мемлекеттік корпорациясының мамандары жүргізуші куәлігін рәсімдеу кезінде ескерілетін маңызды талап туралы айтты, деп хабарлайды Zakon.kz.

2026 жылғы 23 шілдеде қазақстандықтардың бірі мамандарға:

"Жақында жүргізуші куәлігін аламын. Құжатты рәсімдеу үшін өзімнің дайын фотосуретімді алдын ала әкелуге бола ма?" – деген сауал жолдады.

Мемлекеттік корпорация өкілдері мұндай мүмкіндік қарастырылмағанын түсіндірді.

"Жүргізуші куәлігін рәсімдеу кезінде фотосурет мамандандырылған халыққа қызмет көрсету орталығында (мамандандырылған ХҚКО) сол жерде түсіріледі", – деп мәлімдеді "Азаматтарға арналған үкімет" мемлекеттік корпорациясының баспасөз қызметі.

Еске салайық, бұған дейін өздігінен ХҚКО-ға бара алмайтын қазақстандықтарға қандай қызметтер қолжетімді екені туралы айтылған болатын.