Үсік, қар және бұрқасын: 20 қазанға арналған ауа райы болжамы

"Қазгидромет" синоптиктері 2026 жылғы 20 қазанда Қазақстанда қандай ауа райы болатынын мәлімдеді. Бірқатар өңірде жаңбыр мен қар жауып, көктайғақ болады, ал түнде 7 градусқа дейін үсік күтіледі, деп хабарлайды Zakon.kz.

Мамандардың болжамынша, түнде Жетісу облысында, Жамбыл облысының батысы мен шығысында 2–7 градус үсік жүреді. Қызылорда облысының шығысында топырақ бетінде 2 градусқа дейін үсік күтіледі.

"Атмосфералық фронттардың әсерінен еліміздің солтүстік-батысында, солтүстігі мен шығысында тұрақсыз ауа райы сақталады. Жаңбыр мен қар жауып, көктайғақ болады, жаяу бұрқасын соғады. Қазақстанның қалған аумағында ауқымды антициклон жотасының ықпалынан жауын-шашынсыз ауа райы сақталады. Ел аумағында жел күшейіп, тұман түседі, ал оңтүстікте шаңды дауыл күтіледі", – делінген "Қазгидромет" хабарламасында.

Бірқатар өңірде өрт қаупі де сақталады.

Өрт қаупі жоғары болатын өңірлер:

• - Атырау облысы;
• - Маңғыстау облысының орталық бөлігі;
• - Батыс Қазақстан облысының батысы, оңтүстігі мен шығысы;
• - Ақтөбе облысының шығысы;
• - Қызылорда облысының солтүстігі;
• - Қостанай облысының оңтүстігі;
• - Түркістан облысының батысы мен солтүстігі.

Төтенше өрт қаупі күтілетін өңірлер:

• - Қызылорда облысы;
• - Ақтөбе облысының батысы, оңтүстігі мен орталығы;
• - Атырау облысының солтүстігі, оңтүстігі мен шығысы;
• - Қарағанды облысының батысы;
• - Ұлытау облысының батысы мен орталығы;
• - Жетісу облысының шығысы.

Бұған дейін "Қазгидромет" жылдың суық кезеңіне арналған консультативтік маусымдық болжамын жариялаған еді. Оған сәйкес, 2026 жылғы қарашадан 2027 жылғы наурызға дейін Қазақстанда ауа температурасы +25 градустан −18 градусқа дейін құбылып, жаңбыр, қар және жылбысқы қар жаууы мүмкін.