ҰҚК Ақтау қаласына есірткі жеткізудің ірі арнасын жойды

2024 жылдың 4 қарашасында ҰҚК Маңғыстау, Алматы облыстары мен Алматы қаласы бойынша департаменттері прокуратура органдарының үйлестіруімен еліміздің оңтүстік өңірлерінен Ақтау қаласына есірткі жеткізу арнасын жойды, деп хабарлайды Zakon.kz.

Ведомство мәліметінше, осы арнаны ұйымдастырды деген күдікпен Қазақстан азаматы ұсталып, соттың санкциясымен қамауға алынды.

"Заңсыз айналымнан каннабис тобына жататын 300 келі есірткі заты тәркіленді. Қылмыстық кодекстің 297-бабының 3-бөлігі бойынша сотқа дейінгі тергеу жүргізілуде".ҚР ҰҚК баспасөз қызметі

Қылмыстық-процестік кодекстің 201-бабына сәйкес өзге ақпарат жария етуге жатпайды.

Бұған дейін ҰҚК-нің террористік ұйымның әрекетіне қатысы бар деген күдікті қазақстандықты Түркиядан экстрадициялағаны хабарланған болатын.