УЕФА президенті Чеферин «Қайратқа» арнайылап қонаққа келді

2025 жылғы 10 қыркүйекте алматылық "Қайраттың" спорт базасына УЕФА президенті Александр Чеферин келді, деп хабарлайды Zakon.kz.

Құрметті қонақты "Қайрат" U-15 және "Қайрат" WU-17 сияқты Академияның жасөспірімдер командалары, сондай-ақ көру қабілеті толық немесе жартылай шектелген жандарға арналған футболды таныстыратын Kairat Blind Football ойыншылары қарсы алды.

 

Посмотреть эту публикацию в Instagram

 

 

 

 

Публикация от "Қайрат" ФК | FC Kairat Almaty (@f.c.kairat)

Жас спортшылар оны ағылшын тілінде сәлемдеп, клуб атынан естелік сыйлық табыс етті. Кейіннен УЕФА президенті негізгі команда мен "Қайрат-Жастар" бапкерлер штабымен әңгімелесті.

Сапар барысында қонаққа клуб инфрақұрылымы таныстырылды. Тұрғын блок, асхана, жаттығу залы, медициналық орталық пен жаттығу алаңдары көрсетілді.

Ол тіпті жастар құрамына жасалған жағдайдың Еуропаның жетекші клубтарына тән деңгейге сай екенін атап өтіп, базаның барлық заманауи стандартқа жауап беретінін ерекше айтты.

Сапар соңында Александр Чеферин "Қайратты" Чемпиондар лигасының жалпы кезеңіне шыққанына және өткен маусымда чемпиондықты жеңіп алғанына байланысты құттықтап, клубқа ұлттық және халықаралық аренада жаңа табыс тіледі.

Бұған дейін бокстан әлем чемпионатында Назым Қызайбайдың ширек финалға өткенін жазғанбыз.