Алматыда әйел тоғызыншы қабаттан құлап көз жұмды

10:56, 26 шілде 2026

MKZ: 1558065

© Фото: Zakon.kz

Алматының Алмалы аудандық полиция қызметкерлері 40 жастағы әйелдің өлімінің мән-жайын анықтап жатыр, деп хабарлайды Zakon.kz.

Полицияның алдын ала мәліметінше, әйел өзі тұрған көпқабатты тұрғын үйдің тоғызыншы қабатынан құлаған.

Алматы полиция департаментінің хабарлауынша, оқиға орнын тексеру барысында тергеу-жедел тобы пәтерден тергеу үшін маңызды материалдар мен мән-жайларды, оның ішінде мазмұны зерттелетін жазбаны тапқан.

Қазіргі уақытта жан-жақты тергеу амалдары жүргізіліп жатыр. Полиция қызметкерлері болған оқиғаның толық мән-жайын анықтап, қайғылы жағдайдың ықтимал себептерін, марқұмның өмір салтын, араласқан ортасын және оқиғаға дейінгі басқа да жағдайларды зерттеуде.

Тексеру қорытындысы бойынша процессуалдық шешім қабылданады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!