ТЖМ қызметкерлері екі тәулік ішінде 182 адамды құтқарды

ТЖМ күштері екі тәулік ішінде 182 адамды оның ішінде 57 бала құтқарып эвакуациялады, деп хабарлайды Zakon.kz.

Ведомствоның хабарлауынша, 1-2 қаңтарда Қазақстан ТЖМ күштері 396 шақыртуға барған: оның 195-і өрттер мен жану оқиғаларына, 201-і іздестіру, авариялық-құтқару және басқа да жұмыстарға.

182 адам, оның ішінде 57 бала құтқарылды және эвакуацияланды.

ТЖМ азаматтарды өрт қауіпсіздік шараларын сақтап, дауыл туралы ескертулерді, ауа райының өзгеруін, жолдардың жабылуы туралы хабарламаларды бақылап, алыс сапарларға шықпауды ескертті.

"Ауылдық жерлерде тұратын тұрғындарға ауа райы нашарлаған жағдайда алыс қашықтыққа жаяу жүруден бас тартуды ұсынамыз".Төтенше жағдайлар министрлігі