Металлургия пеші бір сәтке тоқтамауы керек

Жаңа жылды жақындарымен емес жұмыста қарсы алатын жандардың бірі металлургтер. Ауыр өндірісте аянбай еңбек етіп келе жатқан мамандардың жұмысы қауіпті әрі ел экономикасы үшін маңызды. Сол себепті қандай да мереке болмасын, Домна пеші еш тоқтамауы керек.

Бұл мамандықты асқан жауапкершілікпен атқарып келе жатқан жандардың бірі — Әскерхан Қабайұлы. Ол төрт баланың әкесі.

Алып комбинаттың жүрегіне айналған алпауыт пештердің үздіксіз жұмыс істеуіне жауап береді. Ал ондағы температура 1300-1400 градус. Сондықтан жұмыс істеу қиынның қиыны, деп жазады qazaqstan.tv.

Сонда да еш аянбай еңбек етіп келе жатқан мамандық иелері құрметке лайық. Металлург мәртебесі биік мамандық.

"Бізде бүгін сменамыз жаңа жылдық күнге түсті. Қандай жағдай болмасын біз жұмыста болуымыз керек. Пешті тоқтатуға болмайды, жұмыс тоқтамауы керек. Өте маңызды жұмыс. Осы келіп жатқан жаңа жылдарыңызбен. Жаңа табысқа жете берейік. Менімен бірге жұмыста отырған жігіттер жаңа жыл құтты болсын." Әскерхан Қабайұлы, металлург