Тоқаев Кореяда оқып, еңбек етіп жүрген қазақстандықтармен кездесті

Мемлекет басшысы Қасым-Жомарт Тоқаев Кореяда білім алып, еңбек етіп жүрген Қазақстан азаматтарымен кездесті, деп хабарлайды Zakon.kz.

Президент отандастарымен емен-жарқын әңгімелесу барысында елімізде жүргізіліп жатқан саяси реформалар мен азаматтардың әл-ауқатын арттыруға бағытталған әлеуметтік-экономикалық өзгерістерге тоқталды.

Кореядағы қазақстандықтар оқу мен қызметте қол жеткізген жетістіктері туралы айтып, алдағы мақсат-межелерімен бөлісті.

Кездесу соңында Қасым-Жомарт Тоқаев Кореяда тұратын Қазақстан азаматтары мен студенттерге сәттілік тіледі.