Тоқаев: Климат жөніндегі төтенше жағдай – жаһандық дағдарыс

19:25, 1 желтоқсан 2023

© Сурет: akorda.kz

Президент Қасым-Жомарт Тоқаев 2023 жылы 1 желтоқсанда Dubai Expo City көрме орталығындағы Климат жөніндегі дүниежүзілік саммитте сөйлеген сөзінде жаһандық дағдарыс жайына тоқталды, деп хабарлайды Zakon.kz.

Қазақстан Президенті Орталық Азиядағы климатты қорғау жөніндегі іс-қимылдарға тың серпін беру мақсатында БҰҰ аясында 2026 жылы Қазақстанда Өңірлік климаттық саммит өткізу туралы шешім қабылданғанын атап өтті.

"Климат жөніндегі төтенше жағдай – жаһандық дағдарыс. Оған бүкіл әлем болып төтеп беру қажет. Бәріміз Жер шарын сақтауға және баршаға ортақ орнықты даму мақсаттарын қамтамасыз етуге жауаптымыз. Қазақстан ұжымдық іс-әрекет пен ынтымақтастықтың арқасында ғана климаттық дағдарыс проблемасын шеше алатынымызға кәміл сенеді.Қасым-Жомарт Тоқаев

Айта кетсек, 2023 жылы 30 қарашада Қасым-Жомарт Тоқаев Дубайда өтіп жатқан Климат жөніндегі дүниежүзілік саммитте сөзі алды. "Қазіргі геосаяси тұрақсыздық және энергетикалық қауіпсіздіктің болмауы да климат мәселесіне назар аударуды қиындатып отыр", - деді Мемлекет басшысы.

Сондай-ақ саммитте Мемлекет басшысы алдағы онжылдықта оңайшылықпен қол жете бермейтін маңызды минералдарды атады. Қазақстанның Метан қалдықтарын азайту жөніндегі жаһандық міндеттемеге қосылатыны белгілі болды. Сондай-ақ аталған саммитте Президент Қазақстан Халықаралық Арал теңізін құтқару қорын қолдауға көбірек қаржы бөлуге шақыратынын жеткізді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!