Той үстіндегі «Форсаж»: Павлодарда BMW көлігінің жүргізушісі ірі көлемде айыппұл арқалады

Ақсу қаласында той алдындағы фотосессия кезінде мемлекеттік нөмірсіз қауіпті дрифт жасап, айналасындағыларға айқын қатер төндірген BMW автокөлігінің жүргізушісі жауапқа тартылды. Оқиға таспаланып, әлеуметтік желіде тарап кеткен, деп хабарлайды Zakon.kz.

Полицейлер оқиғаны әлеуметтік желілерге жүргізілген мониторинг барысында тіркеген. Тәртіп бұзушы тиісі жауапкершілікке тартылды.

"Автокөлік жүргізушісіне авариялық жағдай туғызғаны, жолаушыларды тасымалдау және қауіпсіздік белдігін пайдалану талаптарын бұзғаны, көлік құралын пайдалану ережелерін, сондай-ақ маневр жасау қағидаларын сақтамағаны үшін тиісті әкімшілік материалдар толтырылды", – деп мәлімдеді Павлодар облысының ПД.

Посмотреть эту публикацию в Instagram

Публикация от Организация (@dp_pavlodar)

Полиция жүргізушілерге жолдың көлік жүргізу шеберлігін көрсетуге және қауіпті тәжірибелер жасауға арналған орын емес екенін еске салады.

Бұған дейін Қостанай облысында Chevrolet Cobalt пен Jetour X70 соқтығысып, бір адам қаза тапқанын жазғанбыз.