Таяу Шығыс елдерінен елге қайтарылған қазақстандықтардың саны белгілі болды

11:23, 10 наурыз 2026

© Фото: Zakon.kz

Қазақстан Сыртқы істер министрлігінің баспасөз қызметі 2026 жылғы 10 наурызда Таяу Шығыс елдерінен эвакуацияланған қазақстандықтар туралы жаңартылған ақпарат берді, деп хабарлайды Zakon.kz.

Ведомство мәліметіне сәйкес:

"Таяу Шығыс елдерінен эвакуация басталғаннан бері жалпы 8 585 қазақстандық отбасына оралды".

Сыртқы істер министрлігі мен тиісті органдар қазақстандықтарды Таяу Шығыс елдеріндегі қақтығыс аймағынан қайтару жұмыстарын жалғастыруда.

"Қазақстанның аймақтағы дипломатиялық өкілдіктері жергілікті әрекеттерді үйлестіруді жалғастырып, отандастарымызбен тұрақты байланыста", – деп атап өтті министрліктің баспасөз қызметі.

Бұған дейін 7 300-ден астам қазақстандық эвакуацияланғаны хабарланған еді.

2026 жылғы 9 наурызда Ермек Қошербаев пен Гидеон Саар Израильден қазақстандықтарды эвакуациялау мәселесін талқылағаны белгілі болды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!