Тараздықтар Наурызды ерекше атап өтіп жатыр
![](https://mail.kz/images/061c30120ba8fa63a5288733597c9ca2-slider.jpg)
© Сурет: Тараз әкімдігінің баспасөз қызметі
Ұлыстың ұлы күні – әз-Наурыз мерекесі Тараздағы аумақтық округтерде кең көлемде тойланып жатыр. Мерекелік шаралар барысында салт-дәстүр қойылымдары, ертегі кейіпкерлері, театрландырылан көріністер мен ұлттық ойындар мейрам көркін аша түсті, деп хабарлайды Zakon.kz.
Айталық, №2 аумақтық округ тұрғындары да Ұлыстың ұлы күнін көтеріңкі көңіл күймен атап өтті. Шараға Тараз әкімі Бақытжан Орынбеков арнайы қатысып, көпшілікті мерекемен құттықтады.
"Әз-Наурыз – жаңашылдық пен жасампаз рухтың жаршысы. Осы күндері Жер-ана қайта түлеп, тіршілік атаулы түгел жанданады. Тағылымы мол бұл мереке – жаңару мен жаңғырудың, адам мен табиғат арасындағы үндестіктің, келісім мен татулықтың алтын арқауы. Ежелден жаңару мен жасампаздықтың бастауы, ырыс пен берекенің арқауы болған әз-Наурыз қажырлы еңбектеріңізге толағай табыстар әкелсін". Бақытжан Орынбеков
Бұл күні округ халқы бір үйдің баласындай тату-тәтті тіршілігін дәріптеп, түрлі ойын-сауық іс-шарасына белсене атсалысты. Ырысы мен берекесі артқан жұртшылық жаңа жылда жақсы тілек тілесіп, әсем ән мен күйден шашу шашты.
Сонымен қатар "Қазақтың келіндері-ай" атты байқау ұйымдастырылды.
![Наурыз](https://zakon-img1.object.pscloud.io/a39cb165a41242049d6306089055eadf.jpeg)
Сурет: Тараз әкімдігінің баспасөз қызметі
Әз Наурыз "Хамукат" тұрғын алқабында да осылай әдемі кешпен әрленді.
Сонымен бірге №4 аумақтық округте де мерекелік думан өтті. Мұнда округ тұрғындары арасында асық ату, ләңгі тебу, қол күресі, күрес, арқан тарту сынды түрлі спорттық ойындар ойнатылды.
![Наурыз](https://zakon-img1.object.pscloud.io/2b18be7e82cc43c684e884106a46e333.jpeg)
Сурет: Тараз әкімдігінің баспасөз қызметі
![Наурыз](https://zakon-img1.object.pscloud.io/fc0f187013404a5b834d86bf921b4b39.jpeg)
Сурет: Тараз әкімдігінің баспасөз қызметі
![Наурыз](https://zakon-img1.object.pscloud.io/ad05ba1d8c8c49ce91326a364929f3e8.jpeg)
Сурет: Тараз әкімдігінің баспасөз қызметі
Мерекелік дастархан жайылып, Наурыз тағамдары тарту етілді.
![Наурыз](https://zakon-img1.object.pscloud.io/f47e08a6c8b74414a90928e3f0b24b8f.jpeg)
Сурет: Тараз әкімдігінің баспасөз қызметі
Осы күні аумақтағы жасы үлкен қарияларға сый-сияпат жасалды.
![наурыз](https://zakon-img1.object.pscloud.io/f831446378f3430db77a975dc7431986.jpeg)
Сурет: Тараз әкімдігінің баспасөз қызметі
Келесі кезекте қала әкімі №5 аумақтық округке аялдады. Көпшілікті Ұлыстың ұлы күнімен құттықтаған шаһар басшысы, өнерпаздардың концерттік бағдарламасын тамашалады.
Осылайша қаладағы 11 округтің тұрғындары жыл басы – Наурыз мерекесін бар сән-салтанатымен қарсы алуда. Мұндай шаралар ертең де жалғасады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:56, 26 шілде 2024
Павлодарда автобус аялдамасы маңында бір бойжеткенді көлік қағып кетті
-
22:40, 26 шілде 2024
2024 жылғы жазғы Олимпиада ойындарының ашылу салтанаты ресми түрде басталды
-
22:25, 26 шілде 2024
Бай әзербайжанның үйінде қонақта болған қазақ блогері өз таңданысын жасыра алмады
-
22:25, 26 шілде 2024
Бай әзербайжанның үйінде қонақта болған қазақ блогері таңданысын жасыра алмады
-
21:50, 26 шілде 2024
«Аптап ыстық, қатты жел». Сенбіде еліміздің 17 облысында дауылды ескерту жарияланды