Тамыз айында да аптап ыстық. Үш күнге арналған ауа-райы болжамы

10:24, 30 шілде 2021
139

© Сурет: pixabay.com

Синоптиктер 31 шілде мен 2 тамызға арналған ауа-райы болжамымен бөлісті, деп хабарлайды zakon.kz.

Тамыз айының басынан бастап, Иранның аудандарынан еліміздің батыс бөлігінің жартысына жылы және құрғақ ауа массалары келе бастайды. Соның әсерінен бұл өңірде жауын-шашынсыз ауа-райы орнайды және сынап бағаны 33-38, кей жерлерде 43 градусқа дейін көтерілуі мүмкін.

Алайда, республикамыздың қалған аумағы атмосфералық фронтальды бөліктердің әсерінде болады, жаңбыр жауады. 31 шілдеде оңтүстік-шығыста найзағай ойнап, бұршақ жаууы мүмкін, деп хабарлайды "Қазгидромет" РМК.

Еліміздің кей жерлерінде жел екпіні 15-20 м/с күшейеді, оңтүстік және оңтүстік-шығыста жел екпіні 25 м/с құрайды, шаңды дауыл болады деп күтіледі. Ауа температурасы күндіз солтүстікте, орталықта және шығыста 27-36 градусқа дейін, оңтүстікте 35-40 градусқа дейін көтерілетін болады.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір