Сыртқы істер министрлігі өкілеттілігі кеңейтілді
© Фото: senate.parlam.kz
ҚР Үкіметінің 2024 жылғы 10 қазандағы қаулысымен ҚР Сыртқы істер министрлігі туралы ережеге өзгерістер мен толықтырулар енгізілді, деп хабарлайды Zakon.kz.
Атап айтқанда, Ережеге Министрліктің жаңа функциялары қосылды:
- шетелде адам саудасының құрбаны болған ҚР азаматтарының құқықтары мен мүдделерін қорғауды қамтамасыз ету;
- қазақстандықтарды, оның ішінде кәмелетке толмағандарды, ҚР танылған босқындарды және республикада тұрақты тұратын, шетелде адам саудасының құрбаны болған азаматтығы жоқ адамдарды тиісті құжаттармен қамтамасыз ету және ҚР-ға қайтару жөнінде шаралар қабылдау;
- адам саудасының алдын алу бойынша шаралар қабылдау;
- Қазақстан Республикасының заңнамасында белгіленген тәртіппен адам саудасына қарсы іс-қимыл саласындағы тәуекелдерді бағалауға және оларды барынша азайту жөнінде ұсыныстар енгізуге қатысу;
- Республика заңнамасында белгіленген тәртіппен оларға көмек көрсету және арнаулы әлеуметтік қызметтер көрсету үшін адам саудасының құрбандарын қайта жіберуге қатысу;
- ішкі істер органдарын өздеріне белгілі болған дайындалып жатқан не адам саудасына байланысты жасалған қылмыстар фактілері туралы хабардар ету;
- адам саудасына қарсы іс-қимыл саласындағы қызметтің нәтижелері туралы жұртшылықты хабардар ету;
- ҚР азаматтарының өтініштерін өз құзыреті шегінде ҚР Әкімшілік рәсімдік-процестік кодексіне сәйкес қарау;
- цифрлық трансформацияны жүргізу.
Сонымен қатар, жаңа редакцияда келесі тармақ көрсетілген:
- терроризмге және адам саудасына қарсы іс-қимыл жөніндегі халықаралық ынтымақтастық саласындағы ҚР сыртқы саяси бағытын іске асыруды қамтамасыз ету.
Қаулы қол қойылған күнінен бастап қолданысқа енгізіледі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
18:01, 15 қазан 2024
Талғар ауданы әкімі аппаратының басшысы қызметінен босатылды
-
17:45, 15 қазан 2024
Алматыда 500-ден астам полицей матч кезінде қауіпсіздікті қадағалайды
-
17:23, 15 қазан 2024
Астанада зергерлік дүкенде жасалған ұрлық бейнебақылау камерасына түсіп қалды
-
17:10, 15 қазан 2024
Албанияда өтетін күрестен әлем чемпионаты: маңызды турнирде Қазақстан намысын кімдер қорғайды
-
16:56, 15 қазан 2024
Тимур Сүлейменов: Ұлттық қордағы алым түсімдерден асып түсті