Сирияда болған 14 қазақстандық өз қатарына адам тартып, лаңкестікті насихаттаған

14:33, 17 қазан 2019

Сириядағы лаңкестік әрекеттерге 14 қазақстандық қатысқан. Олар адамдарды өз қатарына тартып, лаңкестікті насихаттаған, деп хабарлайды Zakon.kz.

ҚР ҰҚК тергеу нұсқасы бойынша Сириядағы ДАИШ-тың қатарында болған 14 азаматқа қатысты қылмыстық істі тергеу аяқталғанын хабарлады. Оларға террористік әрекетке қатысып, адамдарды өз қатарына тартты және терроризмді насихаттады, сондай-ақ өзге де ауыр қылмыстар жасады деген айып тағылды. Қылмыстық іс материалдары Нұр-Сұлтан қаласының мамандандырылған ауданаралық қылмыстық істер бойынша сотқа берілді.

Ұлттық қауіпсіздік комитеті өзге мемлекеттік органдармен және шетел серіктестерімен бірлесіп, "Жусан" операциясы шеңберінде Сириядан 595 Қазақстан азаматын қайтарды, оның арасында төрт жүзден астамы балалар. Қайтарылған адамдардың ішінде 10 ер адам мен 5 әйел Қазақстанда тыйым салынған ДАИШ халықаралық террористік ұйымының әрекетіне қатысу фактісі бойынша әртүрлі мерзімдерге бас бостандығынан айыруға сотталды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!