Шымкентте жылу беру маусымы басталды

Шаһардағы «3-ЭнергоОрталыққа» табиғи газ жеткізіліп, қазандықтар іске қосылған. Алдымен әлеуметтік нысандарға, содан соң көп қабатты тұрғын үйлерге беріле бастайды.

1 қарашаға дейін барлық нысандар толығымен жылумен қамтылуы тиіс. Мамандар енді тұрғындардың сервистік қызмет көрсетуші кәсіпорынмен келісімге келгені дұрыс деп есептейді.

Пердебай Сәбитов, «Қуат жылу орталығы-3» МКК бас инженері: 

– Шымкент қаласында 1800 үй болатын болса, оның 800-900 үйі иесіз қалған. Жертөлелерді жылыту үшін қызмет етіп жатырмыз. Бұрын үй иелерінің өзіне беретін болсақ, қазір шақыратын болса, сол жұмыстарды біз істеп береміз. Халықтан өтінеріміз, шаршы метрге төлейтін 6 теңгеден келісімшартқа сервистік компаниямен келісімге келсе екен.

Источник: khabar.kz