Шымкентте сотталушының жұбайына жазаны жеңілдету үшін 110 млн теңге пара беру ұсынылған

Сыбайлас жемқорлыққа қарсы іс-қимыл агенттігі Шымкент қаласының қылмыстық істер жөніндегі ауданаралық сотының судьясына және басқа да адамдарға қатысты тергеуді аяқтады, деп хабарлайды Zakon.kz.

Бұл туралы бүгін, 2024 жылдың 12 желтоқсанында Антикордың Telegram арнасынан белгілі болды.

"Олар алаяқтық жасағандары және үкім шығарған кезде жазасын жеңілдету үшін сотталушының жұбайын 110 млн теңге мөлшерінде пара беруге итермеледі деп айыпталуда. Бас прокуратура ағымдағы жылы 5 желтоқсанда қылмыстық істі сотқа жолдады",- делінген ақпаратта.

Агенттік мәліметінше, қылмыстық-процестік кодекстің 201-бабының ережелеріне сәйкес, өзге ақпарат жария етуге жатпайды.

Бұған дейін ҚМА-ның Қоспаевтың арыстан мен аю бағатын, кинотеатрмен жабдықталған фазендасын көрсеткені хабарланған болатын.