Шымкент полициясының жаңа бастығы тағайындалды

21:36, 23 қыркүйек 2024

© Сурет: polisia.kz

Нұрлан Алмасбеков Шымкент полиция департаментінің бастығы болып тағайындалды, деп хабарлайды Zakon.kz.


"ҚР Президенті Әкімшілігінің келісімі бойынша министрдің бұйрығымен Шымкент полиция департаментінің бастығы лауазымына Алмасбеков Нұрлан Сейсетайұлы тағайындалды", - делінген ІІМ хабарламасында.

Ведомство жаңа басшының әртүрлі жауапты лауазымдардағы жұмыс тәжірибесі мен оның жоғары кәсібилігін атап өтті.

Нұрлан Алмасбеков бұған дейін Алматы қаласы полиция департаменті бастығының бірінші орынбасары қызметін атқарған.

Бұған дейін мегаполистегі полиция ведомствосын Думан Таев басқарған болатын. Ол полиция департаменті қарамағына енгізілді.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!