Шығыс Қазақстан облысында қар көшкіні жолды жауып тастады

"Қазселденқорғау" ММ мәліметінше, Ұлан ауданында облыстық маңызы бар Өскемен - Самара автожолының 101-шақырымында жауын-шашынның мол түсуіне және желдің күшеюіне байланысты жалпы көлемі 370 текше метр қар көшкіні өздігінен түсті, деп хабарлайды Zakon.kz.

Қар көшкіні жолды жауып тастады. Жол тазартылды.

Зардап шеккендер мен қираған ғимараттар жоқ.

Өңірде 2025 жылғы 17-20 қаңтар аралығында облыстың таулы аудандарында көшкін қаупі жарияланды.

ТЖМ тұрғындарға тауға бармауды ескертті.

"Көшкін қаупі бар көптеген ошақтар автомобиль жолдарына қауіп төндіреді, олардың жанынан өтіп бара жатқанда тоқтамаңыз, қауіпті аймақтан тез кетіңіз. Ұялы телефоннан барлық шұғыл қызметтерді шақыру үшін бірыңғай нөмір - "112".Төтенше жағдайлар министрлігі