Шелекте қария арақ ішкен інісін ұрам деп өлтіріп қойды

14:23, 19 маусым 2020
1068

Ішімдік ішкені үшін сазайын тарттырмақ болған ер адам туған інісін ұрып, өлтіріп қойды, деп хабарлайды zakon.kz Еуразия бірінші арнасына сілтеме жасап.

Алайда ол қылмысын жасыру үшін барлық айғақты мұқият жойып, полицейлерді алдап, жазадан құтылмақ болған.

Дегенмен, тергеуші жауап алу барысында логикалық дәлелдердің дедукциясын пайдалана отырып, күдіктінің жасаған қылмысын әшкерелеген.

Ер адам туған бауырын қасақана өлтірмегенін айтып ақталып, оған физикалық күшті тек жазасын тарттыру үшін қолданғанын алға тартқан. Себебі, маскүнемдікке салынған інісінің түнгі қыдырыстары да көп болған көрінеді. Түрлі дене жарақаттарымен ауруханаға жеткізілген 62 жастағы азамат есін жимастан жан сақтау бөлімінде көз жұмған.

Сұмдық оқиға Алматы облысына қарасты Шелек ауылында болды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір