«Шаңды дауыл соғады». Еліміздің бірқатар өңірінде дауылды ескерту жарияланды

Синоптиктер 11 қазанда Қазақстанның 5 облысында ауа райының күрт өзгеруіне байланысты дауылды ескерту жариялады, деп хабарлайды Zakon.kz.

"Қазгидромет" РМК мәліметінше, күндіз Батыс Қазақстан облысының батысында, шығысында оңтүстік-шығыстан 15-20 м/с жылдамдықпен жел соғады.

Түркістан облысының солтүстігінде шаңды дауыл тұрады деп күтіледі. Облыстың солтүстігінде, батысында, таулы аудандарында шығыстан 15-20 м/с жылдамдықпен жел соғады, таулы аудандарда желдің екпіні 23 м/с жетеді. Түнде облыстың солтүстігінде топырақ беті қатып, 2 градус суық болады. Түркістанда шығыстан жел соғады, екпіні 15-20 м/с құрайды.

Қызылорда облысының орталығында күндіз шаңды дауыл болады деп күтіледі. Түнде облыстың орталығында, күндіз өңірдің басым бөлігінде шығыстан, солтүстік-шығыстан 15-20 м/с жылдамдықпен жел соғады, кей тұста соққан желдің екпіні 23 м/с құрайды. Қызылордада күндіз шаңды дауыл болады деп күтіледі, шығыстан соққан желдің екпіні 15-20 м/с жетеді.

Жетісу облысының Алакөл ауданында оңтүстік-шығыстан соққан желдің екпіні 17-22м/с, кей тұста 25 м/с болады деп күтіледі.

Атырау облысының солтүстігінде, оңтүстігінде, шығысында оңтүстік-шығыстан жел соғады, екпіні 15-20 м/с құрайды. Атырауда түнде оңтүстік-шығыстан жел соғады, екпіні 15-20 м/с болады деп күтіледі, делінген ауа райы болжамында.