Семейдегі көпірде қауіпті фотосессия жасаған ақтөбелік әйел полицейлердің назарына ілікті

Семейде полиция қызметкерлері түнгі уақытта автомобиль көпірінің тікелей жол бөлігінде фотосессия ұйымдастырған 35 жастағы ақтөбелік әйелді әкімшілік жауапкершілікке тартты, деп хабарлайды Zakon.kz.

Әлеуметтік желілерде тараған бейнежазба көпшіліктің алаңдаушылығын туғызды. Кадрларда әйелдің көлік қозғалысына қарамастан, қараңғы уақытта жолдың үстіне жатып, камераға суретке түсіп жатқанын көруге болады.

Посмотреть эту публикацию в Instagram

Публикация от Абай Облысының Полиция Департаменті (@abai_department_police)

"Әйелге қатысты жаяу жүргіншілердің және жол қозғалысының өзге де қатысушыларының жол қозғалысы қағидаларын бұзғаны үшін әкімшілік хаттама толтырылды",- деп мәлімдеді полицейлер.

Полиция азаматтарды әсерлі кадрлар мен әлеуметтік желідегі танымалдық үшін өз өміріне қауіп төндірмеуге шақырады.

Бұған дейін Елордада көшеде киімсіз серуендеген ер адам ұсталғанын жазғанбыз.