Семейде құтқарушылар Ертіс өзеніне батып бара жатқан жасөспірім қызды құтқарды

16:18, 23 маусым 2024

© Сурет: ҚР ТЖМ

23 маусымда Абай облысында Ертіс өзеніне батып бара жатқан жасөспірім қыз құтқарылды, деп хабарлайды Zakon.kz.

ҚР ТЖМ баспасөз қызметінің хабарлауынша, 2012 жылғы жасөспірім қыз жағадан 15 метр қашықтыққа алшақтап кетіп, суға бата бастаған.

Бақытқа орай, қалалық жедел-құтқару жасағының бас құтқарушылары Руслан Масанов пен Рустам Бейісханов жақын маңда болған.

"Қазіргі уақытта құтқарылған адамның жағдайы тұрақты, медициналық көмекке мұқтаж емес. ТЖМ азаматтарды суда қауіпсіздік ережелерін сақтауға шақырады", делінген ведомство хабарламасында.

Айта кетсек, 21 маусымнан бастап Павлодар облысында Ертіс өзеніне шомылу кезінде суға батып кеткен ер адамның денесі іздестіріліп жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!