Семей-Қалбатау тасжолының аяқталмаған бөлігі жөнделеді

Семей қаласы мен Қалбатау ауылын жалғайтын жолдың аяқталмаған 34 шақырымы толық жөнделмек. Ол – халықаралық маңызы бар Омбы-Майқапшағай тасжолының бір бөлігі. 

7 жыл бұрын күрделі жөндеу басталғанымен, 152 шақырымның Жарма ауданындағы бөлігі мердігерлердің салғырттығынан аяқталмай қалған еді. Әсіресе жол бойындағы ауылдар жазда шаңнан, көктемде батпақтан мезі болатын. Бұл мәселені біздің арна да көтерген. Енді түйткілдің түйіні тарқап, «Нұрлы жол» бағдарламасы аясында республикалық бюджеттен қаражат бөлінді.

Нұрлан Сыдықов, Жарма ауданының әкімі

-Желтоқсанның басында сол конкурс аяқталып, ұтып алған фирма келесі жылдан бастап, осы құрылысты бітірмекші ойлары бар. Мұның құны – 3 жарым миллиард теңге. 

Источник: khabar.kz

---

Подписывайтесь на наш Telegram-канал. Будьте в курсе всех событий!
Мы работаем для Вас!