«Самұрық-Энерго» компаниясының жаңа басшысы тағайындалды

11:44, 30 қазан 2026

MKZ: 1575140

© Сурет: Telegram/samrukkazynaofficial

2013 жылдан бері "Самұрық-Қазына" АҚ компаниялар тобында жұмыс істеп келе жатқан Аңсар Айдаров "Самұрық-Энерго" АҚ басқарма төрағасы болып тағайындалды, деп хабарлайды Zakon.kz.

Бұл туралы 2026 жылғы 30 қазанда белгілі болды.

""Самұрық-Қазына" АҚ басқармасының шешімімен Аңсар Айдаров "Самұрық-Энерго" АҚ басқарма төрағасы болып тағайындалды. "Самұрық-Қазына" АҚ басқарма төрағасы Нұрлан Жақұпов компания ұжымына жаңа басшыны таныстырып, жұмыс кеңесін өткізді", – делінген жұма күні "Самұрық-Қазына" Telegram-арнасында жарияланған хабарламада.

Жиын барысында Нұрлан Жақұпов негізгі инвестициялық жобаларды іске асыру мерзімдерін қатаң сақтаудың маңызын атап өтіп, электр станцияларын уақытылы пайдалануға беруді тапсырды.

Аңсар Айдаров 2013 жылдан бері "Самұрық-Қазына" АҚ компаниялар тобында жұмыс істейді. Бұған дейін "Энергия Семиречья" ЖШС бас директоры, Жобалық кеңсенің жетекшісі және "Самұрық-Энерго" АҚ инвестициялар жөніндегі бас директоры қызметтерін атқарған.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!