Салтанат Нүкенованың анасы марқұм қызына арнап жазба жариялады

Жұмагүл Нүкенова 2024 жылдың 22 қыркүйегінде Instagram парақшасында әсерлі жазба жариялады. Марқұм қызы Салтанатқа арналған жазба, кімнің болмасын жүрегін елжіретпей қоймады, деп хабарлайды Zakon.kz.

Нүкенова өз отбасын қолдайтындардың барлығына алғысын білдірді.

"Оны жоғалтқан кезден бері тек оның есімімен ұйықтап, тек соны ойлап оянамын. Салта менің әрқашан ойымда, денемнің әр жасушасында. Жанның ауыруы менің қалған өмірімнің ажырамас бөлігіне айналды. Біздің үйдің күнін, жанымызды алып кетті". Жұмагүл Нүкенова

Ары қарай ол балаларынан айырылған аналармен кездесуден кейінгі тәжірибесі туралы айтты.

"Астанада балаларын жоғалтқан аналармен кездесуде мен сезімдер мен эмоциялардың барлық спектрін бастан өткердім және Салтаның жұмақта екеніне тағы да көз жеткіздім. Жеңіл көйлек киіп, күлімсіреп, сол жерден менің, әкесі мен ағасының ұзақ өмір сүруіне көмектесіп жүр. Жүрген жерімнің бәрінде мені көрген адамдар келіп құшақтап, Салтаны және біздің отбасымызды қалай жақсы көретінін айтады. Осы уақытқа дейін көрсетіп келе жатқан қолдауларыңыз үшін алғысым шексіз". Жұмагүл Нүкенова

Жазба мұрағаттағы отбасылық кадрлармен сүйемелденді.

Посмотреть эту публикацию в Instagram

Публикация от Zhumagul Nukenova (@zhumachka2805)

Жазба астына оқырмандар Салтанаттың әлемді өзгерткенін айтып, қолдау сөздерін қалдырды.

Еске салайық, 2024 жылғы 13 мамырда Қуандық Бишімбаев 24 жылға, ал Бақытжан Байжанов төрт жылға бас бостандығынан айырылды.