Рыбакинаны ұтқан Мертенс матчтан кейін не деді

15:18, 5 шілде 2026

© Сурет: highimpactathletes.org

Бельгиялық теннисші Элизе Мертенс әлемнің екінші ракеткасы Елена Рыбакинаны сенсациялық түрде жеңгеннен кейін өз әсерін бөлісті, деп хабарлайды Zakon.kz.

Sportarena.kz жазуынша, кездесу екі сетке созылып, бельгиялық теннисшінің пайдасына 7:6 (7:4), 6:1 есебімен аяқталды. Қазір Элизе Мертенс WTA рейтингінде 27-орында тұр.

"Шынымды айтсам, сөзім жоқ. Алғашқы сетті өз пайдамызға шешіп, сол қарқынды екінші сетте де сақтай алғаныма өте қуаныштымын. Елена – керемет теннисші. Ол бұған дейін "Уимблдонның" чемпионы атанған, сондықтан мен үшін өте мықты әрі қауіпті қарсылас болды", – деді Мертенс матчтан кейінгі корттағы сұхбатында.

Осы жеңістің арқасында Элизе Мертенс "Уимблдон" турнирінің 1/8 финалына жолдама алды. Келесі кезеңде ол әлемнің 23-ракеткасы, чехиялық Мария Боузковамен кездеседі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!