Риддерде өңірлік ауқымдағы төтенше жағдай режимі жарияланды

14:38, 24 наурыз 2023

© Сурет: Istagram/gorkovoy_dmitry

Шығыс Қазақстан облысының әкімі Даниал Ахметов 24 наурызда Риддерде өңірлік ауқымдағы төтенше жағдай жарияланғанын мәлімдеді, деп хабарлайды Zakon.kz.

Әкімнің айтуынша, қаланың жылу электр орталығының жұмысында үлкен кемшіліктер бар, жаңа RNGK компаниясының иесі қаңтардан бастап ешқандай жұмыс жүргізбеді.

"Өткен кезеңде үш миллиард теңгеден астам берешек қалыптасты, мазут, көмір, электр энергиясын жеткізуде олқылықтар болды. Сонымен қатар қараша айынан бастап шұғыл жөндеу және қалпына келтіру жұмыстарын жүргізген компанияларға еңбекақы төлеуде әлі кешіктірулер бар".Шығыс Қазақстан облысының әкімі Даниал Ахметов

Ол жұмыс процесінде ЖЭО 67рет тер істен шыққанын атап өтті. Бірнеше күн бұрын 4 және 5 жоғары қысымды қазандықтарда өрт болды, Кабельдік-өткізгіш өнімдер өртенді, көмір беру жолында ұсақ дисперсті шаң жарылды.

"Қазір біз жылыту маусымын аяқтауға мүмкіндік беретін режимде тиімді жұмыс істеуді қамтамасыз ету үшін станцияның барлық басқаруын өзімізге алуға мәжбүрміз".Даниал Ахметов

Оның сөзінше, жағдайды шешудің жалғыз жолы – Риддер ЖЭО-ны коммуналдық меншікке сатып алу.

"Біз осы бағытта заңнамаға сәйкес жұмыс істейміз және оң нәтижелерге қол жеткіземіз деп үміттенеміз".Даниал Ахметов

23 наурыз күні Риддердегі жылу электр орталығында тағы бір апат болды.

Шығыс Қазақстан облысының прокуратурасы 24 наурыз күні Риддердегі жылу электр орталығына 11 миллион теңге айыппұл салынып, тұрғындар үшін жылу тарифі төмендетілетінін хабарлады.