Президент бюджетті жоспарлау мәселелері бойынша кеңес өткізді

16:36, 17 тамыз 2026

MKZ: 1561744

© Сурет: akorda.kz

2026 жылдың 17 тамызында Ақордада Мемлекет басшысы Қасым-Жомарт Тоқаевтың төрағалығымен ұлттық экономиканы дамыту және бюджетті жоспарлау мәселелеріне арналған кеңес өтті, деп хабарлайды Zakon.kz.

Ақорданың баспасөз қызметі берген ресми ақпаратқа сай, жиынға Премьер-министр Олжас Бектенов, Президент Әкімшілігінің басшысы Роман Скляр, Ұлттық банк төрағасы Тимур Сүлейменов, Жоғары аудиторлық палата төрағасы Әлихан Смайылов, Премьер-министрдің орынбасары – Ұлттық экономика министрі Серік Жұманғарин, Президенттің экономикалық мәселелер жөніндегі көмекшісі Нұрлан Байбазаров және Қаржы министрі Мәди Тәкиев қатысты.

Кеңес барысында Президентке ел экономикасының қазіргі жағдайы баяндалды. Сондай-ақ 2027-2029 жылдарға арналған әлеуметтік-экономикалық даму болжамдары мен осы кезеңдегі республикалық бюджеттің негізгі параметрлері ұсынылды.

Талқылау барысында Қасым-Жомарт Тоқаев биыл жоспарланған экономикалық өсім көрсеткіштеріне қол жеткізудің маңызын атап өтті. Сонымен қатар республикалық және жергілікті бюджеттердің теңгерімділігін қамтамасыз ету қажеттігіне назар аударды.

Мемлекет басшысы 2027-2029 жылдарға арналған бюджетті қалыптастыру кезінде әлеуметтік және инфрақұрылымдық жобаларға басымдық беруді тапсырды. Атап айтқанда, ауруханалар, балаларды оңалту орталықтары, мәдениет және спорт нысандарының құрылысын жеделдету қажет екенін айтты.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!