Полиция «Қазпошта» қызметкерлерінің «қоңырауларына» байланысты қазақстандықтарға үндеу жасады

14:12, 7 сәуір 2025

© Сурет: pixabay

Елімізде "Қазпошта" қызметкерлерінің атын жамылған алаяқтар көбейіп келеді. Осыған байланысты 2025 жылғы 7 сәуірде ақтөбелік полицейлер халыққа үндеу жасады, деп хабарлайды Zakon.kz.

Полицейлердің айтуынша, 45 жастағы ақтөбелік әйел алаяқтардың арбауына түсіп қалған. Ол қаскөйлердің қоңырауынан кейін онлайн несие рәсімдеп, олардың шотына 1 млн теңге аударған.

"Алаяқтар өздерін "Қазпошта" қызметкерлері ретінде таныстырып, сіздің атыңызға сәлемдеме түскені туралы хабарлайды. Олар осы сәлемдемені алу үшін телефоныңызға келген sms-кодты айтуды сұрайды",- делінген ақпаратта.

Ведомство мұндай жағдайда сөйлесуді дереу тоқтату керек екенін ескертті.

"Интернет-алаяқтардың құрбаны болмас үшін әр қоңырау мен sms-ке мұқият қарауды, сондай-ақ күдікті хабарламалар мен жарнамаларға сенбеуді ұсынамыз". Ақтөбе облысы ПД басқармасы

Бұған дейін қазақстандық миллиардердің 6,8 жылға бас бостандығынан айырылғандығы жайлы жазған болатынбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!