Қытай ғалымдары магнитудасы 8 балдан асатын жер сілкінісі болатынын болжады: ТЖМ не дейді

Кейінгі күндері қазақстандық БАҚ-та, әлеуметтік желілерде, блогтарда және мессенджерлерде Қытай ғалымдары "болжаған" жойқын жер сілкінісі туралы ақпарат тарап кетті. ҚР ТЖМ Сейсмологиялық байқау және зерттеу ұлттық ғылыми орталығы бұл мәлімдемелердің артында не тұрғанын түсіндірді.

1-факті.

Пекин жер сілкінісі агенттігінің Чжу Хунбин бастаған ғалымдар тобы Қытайдың кейбір өңірлерінде әр 30-40 жылда бір рет магнитудасы 8-ден жоғары күшті жер сілкіністері болатын цикл туралы болжам жасады. Осының негізінде цикл қазір басталып жатқан шығар деген болжам жасалды.

2-факті.

Зерттеу тек Қытайдың аумақтарына — Лонгменьшань жарылым аймағында орналасқан Сычуань және Юньнань провинцияларына, сондай-ақ Шығыс Гималайға қатысты. Бұл өңірлер Қазақстаннан мыңдаған шақырым жерде орналасқан және мүлдем басқа сейсмикалық белдеуге жатады. Бұл зерттеу біздің еліміздің аумағымен ешқандай байланысы жоқ.

Төтенше жағдайлар министрлігі тараған жорамал ойларға да тоқталды.

1-жорамал ой.

"Қытай ғалымдары магнитудасы 8 балдан асатын жер сілкінісін болжайды".

2-жорамал ой.

"Қытайдағы жойқын жер сілкінісі Қазақстанға әсер ететіні сөзсіз".

Сейсмологиялық байқау және зерттеу ұлттық ғылыми орталығы азаматтарды сабыр сақтап, дүрбелеңге түспеуге және бұқаралық ақпарат құралдарында, әсіресе әлеуметтік желілерде таратылатын ақпараттарға сыни көзқараспен қарауға үндеді.