Ле мен Сәтпаев нысана көздеуден Әлем кубогы кезеңінде үздік ондықтың қатарына енді

Нысана көздеуден Буэнос-Айресте (Аргентина) өтіп жатқан Әлем кубогының кезеңінде Қазақстанның екі командасы алғашқы ондыққа енді, деп хабарлайды Zakon.kz.

Атап айтқанда, Александра Ле мен Ислам Сәтпаев пневматикалық винтовкадан (10 метр) аралас командалар арасындағы жарыста сегізінші орын алды.

Бұл сайыста Қытай құрамасы жеңіске жетсе, екінші орынды Үндістан иеленді. Ал үздік үштікті Аргентина түйіндеді.

Айта кетейік, қазіргі таңда Қазақстан құрамасының еншісінде бір медаль бар. Қола жүлдені Арина Алтухова жеңіп алды.