Павлодарда автокөлік отқа оранды

17:20, 5 қараша 2024

© Фото: zakon.kz

Павлодарда автокөлік отқа оранды. Өрт сөндірушілердің жедел әрекеті арқасында жарылысқа жол берілмеді, деп хабарлайды Zakon.kz pavlodarnews.kz-ке сілтеме жасап.

Облыстық ТЖД баспасөз қызметінің мәліметінше, сағат 14:40-та Ворушин көшесінде автокөліктің өртенгені туралы хабарлама келіп түсті.

"Шақыру орнына келген өрт сөндірушілер Volkswagen Passat маркалы автомобильдің қозғалтқыш бөлігінің жануын анықтады", - деді департамент.

Өрт сөндірушілер екі шаршы метр алаңдағы өртті дереу сөндіруге кіріскен. Зардап шеккендер жоқ. Өртті жоюға 8 өрт сөндіруші мен 2 техника жұмылдырылды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!