Павлодар облысында 12 жастағы қыз босанды

Павлодар облысында 12 жастағы қыз босанды. Жасөспірім қыз баласын перинаталды орталықта дүниеге әкелген, деп хабарлайды Zakon.kz pavlodarnews.kz-ке сілтеме жасап.

Облыстық білім беру басқармасының мәліметінше, Шарбақты ауданындағы мектептердің бірінде 12 жасар қыз дүниеге сәби әкелген.

"Аталған фактіге қатысты қызметтік тергеу жүргізілуде. Жасөспірім тамыз айында 13 жасқа толады", - деп хабарлады басқарма.

Сондай-ақ аудандық білім беру бөлімінің басшысына қатаң сөгіс беріліп, мектеп директоры жұмыстан босатылған.