Павлодар облысында су тасқынынан зардап шеккендерге жаңа үйлердің кілттері табысталды
© Сурет: Валерий Бугаев
Ақтоғай ауданының Жалаулы ауылында су тасқынынан зардап шеккендерге 5 жаңа үйдің кілті табысталды. Жаңа қоныс иелерін облыс әкімі Асайын Байханов құттықтады.
Үйлері зардап шегіп, апатты деп танылған адамдардың бүгін қоныс тойларын тойлап жатқандарына өте қуаныштымын. Ел президенті Қасым-Жомарт Тоқаевтың тапсырмасы бойынша біз сіздердің ауылдарыңыздағы төтенше жағдайдың салдарын барынша жоюға тырыстық. Қиын кезеңдерде шыдамдылық танытқандарыңыз үшін баршаңызға рахмет, - деді өңір басшысы.
Сурет: Валерий Бугаев
"Барлығыңызға үлкен рахмет. Бізге дәл осы жерде жаңа үй салғанына өте қуаныштымын. Бұрын бұл жерде менің ата-анам тұрған. Біз осында өсті"к, - деп ауыл тұрғыны Мархабат Сматаев қуанышымен бөлісті.
Сурет: Валерий Бугаев
Көпбалалы отбасылар, "Күміс алқа" белгілерінің иегерлері - Сматаевтар, Баймановтар, Муллин және Дайырбековтардың үйлерін қалпына келтіруге мүмкін болмады.
Барлық жаңа қоныс иелері облыстық мәслихат депутаттарынан, сондай-ақ, облыстың үш қаласының мәслихаттарынан сыйлық ретінде тұрмыстық техникалар (тоңазытқыштар, теледидарлар, кір жуатын машиналар, ас үй плиталары, кондиционерлер және т.б.) алды.
Сурет: Валерий Бугаев
Ақтоғай ауданы тұрғындарының атынан Павлодар облысының Құрметті азаматы, мәдениет саласының ардагері Бейсенбі Мұқажанов мемлекетке көрсеткен көмегі үшін алғыс ретінде арнау айтты.
Сурет: Валерий Бугаев
"Шаңырақ" МСО және И. Байзақов атындағы облыстық филармония әртістері ауыл тұрғындарына жарқын концерттік бағдарлама ұйымдастырды. Сондай-ақ, спорттық жарыстар да өткізілді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:57, 2 шілде 2024
Алматыда болған автобус апатына күдікті Әнел Сартаева үй қамаққа жіберілді
-
22:30, 2 шілде 2024
«Бірін-бірі таптаған». Үндістандағы діни шарада қаза тапқандар саны жүзден асты
-
22:16, 2 шілде 2024
Жамбыл облысында 500-ге жуық қой суға кетті
-
21:52, 2 шілде 2024
Электрлік скейтбордпен баланы қаққан ақтаулық жарты жылға сотталды
-
21:10, 2 шілде 2024
Түркістан обылсында 37 жастағы ер адам суға батып кете жаздады