Өскемен тұрғынынан жасырын тыңдау құралы табылды

Ағымдағы жылдың ақпан айының басында Өскемендегі Үлбі полиция бөліміне "Anti-Fraund" жедел-профилактикалық іс-шарасы барысында арнайы техникалық құралдарды заңсыз сақтап, таратумен айналысатын 22 жастағы жігіттің ұсталғаны туралы ақпарат келіп түсті, деп хабарлайды zakon.kz ШҚО ПД баспасөз қызметіне сілтеме жасап.

Бұл қашықтан тыңдау құрылғысы екені анықталды. Іс бойынша заттай дәлелдемелер алынды.

Аталған факті бойынша ҚР ҚК-нің 399-бабы 1- бөлігі (Ақпаратты жасырын алудың арнайы техникалық құралдарын заңсыз дайындау, жасау, иемдену, өткізу немесе пайдалану) бойынша сотқа дейінгі тергеу жүргізілуде.