Мемлекет басшысы Астанадағы саябақтардың біріне ағаш екті

Мемлекет басшысы 2025 жылғы 21 сәуірде Астанадағы "Жастар" саябағында ағаш екті, деп хабарлайды Zakon.kz.

Ақорда мәліметіне сүйенсек, ағаш егу "Таза Қазақстан" экологиялық фестивалі аясында жүзеге асты.

"Президент Қасым-Жомарт Тоқаев "Таза Қазақстан" экологиялық фестивалі аясында Астана қаласындағы "Жастар" саябағында экобелсенділермен бірге ағаш екті",- делінген ақпаратта.

Сурет: akorda.kz

Бұл ретте, "Бүкіл қазақстандық ағаш егу күні" акциясы аясында еліміз бойынша соңғы үш күнде 4,5 миллионға жуық көшет егілгендігі атап өтілді.

Бұған дейін президент жарлығымен Моңғолияға, Шри-Ланкаға және Дания Корольдігіне жаңа елшілер тағайындалғандығы хабарланған болатын.