«Мектептерге теракт жасалады». Атырау полициясы анонимді Telegram-арнаның авторын тапты

22:00, 19 сәуір 2024

© Сурет: piqsels.com

Атырау облысы ПД экстремизмге қарсы іс-қимыл басқармасының қызметкерлері ҰҚКД АТО бөлімімен бірлесіп, аноним түрде жалған хабарлама берген облыс мектептерінің бірінің тоғызыншы сынып оқушысын анықтады, деп хабарлайды Zakon.kz.

ҚР ІІМ баспасөз қызметінің хабарлауынша, жасөспірім анонимді Telegram-арна құрып, онда 21 сәуір күні Индер ауданындағы мектептерде террористік акті жасалатыны туралы хабарлама жариялаған.

"Жазбамен бірге интернеттен жүктеп алған қарудың суретін салған. Қазіргі уақытта оның осындай басқа да Telegram-арналар құруға қатысы бар-жоғы тексеріліп жатыр. Терроризм актісі туралы көрінеу жалған хабарлау фактісі бойынша қылмыстық іс қозғалды".ҚР ІІМ баспасөз қызметі

Айта кетсек, Атырау облысында бөгеттерге арналған топырақ толы қаптардың "ұрланғаны" әзіл болып шықты.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!