Мектепте балтамен сойқан салған оқушы: Петропавлда жасөспірім 6,9 жылға сотталды
![](https://mail.kz/images/b3d23b8b8f15ce6fe156f6b56d10922e-slider.jpg)
© Сурет: Zakon.kz
Солтүстік Қазақстан облысының Қылмыстық істер жөніндегі мамандандырылған ауданаралық сотында алқа билердің қатысуымен кәмелеттік жасқа толмаған Д-ны үш кәмелеттік жасқа толмағандарды өлтіруге оқталғаны үшін қылмыстық істі қарады, деп хабарлайды Zakon.kz.
СҚО-да "балтасы бар мектеп оқушысына" алқа билер соты айыптау кесімін шығарды.
"2023 жылы 13 ақпанда сағат 07:50-де кәмелеттік жасқа толмаған 9-сынып окушысы Д. мектепте бетін бетпердемен тұмшалап, өлтіру мақсатымен, бұзақылық ниетпен әрекет етіп, асханалық балтаны қолдана отырып, кәмелеттік жасқа толмағандар Г., Б., және А-ға өмірлік маңызы бар соққылар жасады. Өзге оқушылар Д-ны жабылып, тоқтатты. Сондықтан оның адам өлтіруге бағытталған ниеті соңына дейін жеткізілген жоқ. Сотталушының кінәсі жәбірленушілердің, куәлердің және іс материалдарымен анықталды", делінген сот хабарламасында.
Прокурор ҚР ҚК-нің 81-бабының 7-бөлігі, 56-бабының 3-бөлігі, 55-бабының 2-бөлігінің талаптарын ескеріп Д-ға кәмелеттік жасқа толмағандар үшін қылмыстық-атқару жүйесінің орташа қауіпсіз мекемесінде жазасын өтеуді, 6 жыл 9 айға бас бостандығынан айыру түрінде жаза тағайындауды сұрады.
"Сот Д-ға ҚР ҚК 24-бабының 3-бөлігі, 99-баптың 2-бөлігінің 1,9,14-тармақтары бойынша кәмелеттік жасқа толмағандар үшін қылмыстық-атқару жүйесінің орташа қауіпсіз мекемесінде жазасын өтеу, 6 жыл 9 айға бас бостандығынан айыру түрінде жаза тағайындады. Сотталған Д-дан жәбірленушілердің пайдасына моралдық шығынын өтемақысы өндірілді", делінген сот хабарламасында.
Айта кетсек, қанды оқиға 2023 жылы ақпан айында болған. Мектепке қаруланып, бетперде тағып барған оқушы 3 баланы жарақаттаған. Екеуі жансақтау бөлімінде жатып шықты. Сот материалдарына сүйенсек, баланың мұндай әрекетке баруына сыныптастарына деген өшпенділігі себеп болған. Ол шетелдік кино көріп, басты кейіпкердің әрекетін қайталағысы келген.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:56, 7 қыркүйек 2024
Ертең Астанада Жансүгіров көшесіндегі жол учаскесі бір тәулікке уақытша жабылады
-
17:39, 7 қыркүйек 2024
Қырғызстанда «Киборг» лақап атымен танымал қылмыс әлемінің мүшесі ұсталды
-
17:18, 7 қыркүйек 2024
Паралимпиада-2024: Раушан Қойшыбаева төртінші орын алды
-
16:42, 7 қыркүйек 2024
Маңғыстау облысында бір топ оқушы астан жаппай уланды
-
16:23, 7 қыркүйек 2024
GRECO Қазақстандағы сыбайлас жемқорлыққа қатысты алғаш рет баяндама жариялады